Category Archives: Fógraí

Bua i gCraobh Scléip 2024!!!

Comhghairdeachas ó chroí le scoláire GCPL a tháinig sa Chéad Áit i gCraobh Scléip 2024 sa chatagóir “Ceol Úirlise Aonair sa stíl Pop/Rac/Snagcheol” agus lenár mbanna ceoil “Na Brasstels” a thug sár-thaispéantas sa Helix inniu!! Mo cheol sibh!!

Ceolchoirm na Nollag

Bhí ceolchoirm den scoth ar scoil inniu mar pháirt de Shéasúr an Chairdis agus an Dea-Thola 2023. Ár mbuíochas lenár múinteoir ceoil Bríd agus na ceoltóirí ar fad. Maith sibh!

An Seó Bóthair

Thug an Seó Bóthair le Dónall Breathnach agus Conradh na Gaeilge cuairt ar an scoil i gcaitheamh na seachtaine. Labhair Dónall le scoláirí na hIdirbhliana maidir leis an tábhacht a bhaineann leis an teaga a labhairt go laethúil agus na deiseanna fostaíochta atá ar fáil trí mheán na Gaeilge.

Seas an Fód 2023

Ghlac scoláirí agus múinteoirí páirt i “Seas an Fód 2023”. Seachtain Fheasachta a bhí ann ar imeascadh an phobal LGBTQIA+ agus conas dul i ngleic le cúrsaí bulaíochta agus leithcheal a fhulaingíonn siad fós. Tá ardmholadh tuillte ag na scoláirí as an obair dhícheallach agus an meon dearfach a léirigh siad i rith na seachtaine!

NASA

An bhfuil Neil Armstrong eile inár measc anseo i nGaelcholáiste Phort Láirge?? Comhghairdeachas le scoláire Bl 5 a bhuaigh Comórtas Domhanda agus a fuair an deis cuairt a thabhairt ar Stáisiún NASA i Washington le déanaí!!