Skip to content

Fáilte
Fúinn
Pobal Scoile
Teagasc agus Foghlaim
Seach-Churaclaim
Nuacht
- Nuacht Scoile
- Na Meáin Shóisialta
Clárú

Na Meáin Shóisialta

gcplabu

Lá mór dúinn inniu ag cur fáilte mhór roimh ár sco

Lá mór dúinn inniu ag cur fáilte mhór roimh ár scoláirí nua ar a gcéad lá sa scoil! Cuireann pobal na scoile fáilte chroíúil roimh Eibhlín Ní Dhomhnaill, príomhoide nua Ghaelcholáiste Phort Láirge, chomh maith.

Guímid gach rath orthu agus iad ag cur tús lena n-aistear nua linn. Táimid ag súil le blianta lán le foghlaim, cairdeas, spraoi agus deiseanna nua.

Gaeilge Bheo, Gaeilge Go Deo!

Comhghairdeas ó chroí le scoláirí Bhliain 6 2026 a

Comhghairdeas ó chroí le scoláirí Bhliain 6 2026 a fuair torthaí scrúdaithe inniu. Tréaslaíonn an scoil le Daithí Mac Sheoinín a ghnóthaigh lán mharcanna. Tá éacht déanta acu go léir. Guíonn an scoil gach rath orthu anois agus i gcónaí.

Instagram post 18101114381131555

Instagram post 18101114381131555

Bhí oíche fíor-speisialta ag scoláirí Bl.6 ag deir

Bhí oíche fíor-speisialta ag scoláirí Bl.6 ag deireadh na scoilbhliana agus iad ag ceiliúradh deireadh a n-aistear meánscolaíochta i nGaelcholáiste Phort Láirge. Tháinig scoláirí, múinteoirí agus tuismitheoirí le chéile ag Aifreann speisialta i Séipéal Naomh Muire chun an grúpa eisceachtúil seo a cheiliúradh.
Le linn na hócáide, bronnadh teastas scoile agus an fáinne óir ar scoláirí ag tabhairt aitheantas dá ndíograis agus dá rannpháirtíocht i saol na scoile agus dá ndílseacht don Ghaeilge thar na blianta. B’oíche an-bhródúil í do phobal na scoile, ag moladh na scoláirí as gach rud atá bainte amach acu go pearsanta, go sóisialta agus go hacadúil le sé bliana anuas.
Guíonn an scoil gach rath ar na scoláirí agus iad ag tabhairt faoi na scrúduithe stáit agus faoin gcéad chéim eile dá saol. Go n-éirí go geal leo i gcónaí.

Bhí ócáid speisialta sa scoil an tseachtain seo ca

Bhí ócáid speisialta sa scoil an tseachtain seo caite chun buaicphointí na bliana a cheiliúradh. Chuir Cáit Ní Shé, príomhoide na scoile, fáilte roimh mhúinteoirí, tuismitheoirí, seantuismitheoirí agus siblíní na scoláirí ar an lá. Creidtear go láidir sa scoil i sprid agus muinín na scoláirí a chothú. Mol an óige agus tiocfaidh sí. Bronnadh gradaim aitheantais speisialta ar scoláirí i ngach bliainghrúpa. Bronnadh gradam do Scoláire na Bliana agus Gaeilgeoir na Bliana ar scoláire amháin i ngach rang. Chomh maith leis sin, bronnadh gradaim acadúla, gradaim barr feabhais agus Corn an Choláiste. Tháinig pobal na scoile le chéile ina dhiaidh sin sa chlós, áit ar cuireadh sólaistí ar fáil, buíochas le Coiste na dTuismitheoirí, agus ceol den scoth á sheinm ag grúpa ceoltóirí traidisiúnta na scoile, chun gradaim gaisce na scoláirí a cheiliúradh. Chuir ceoltóirí na scoile go mór leis an searmanas. Comhghairdeas ó chroí le cách.

Instagram post 18586711087037524

Instagram post 18586711087037524

Scoláirí den scoth. Idirbhliain den scoth. Buíocha

Scoláirí den scoth. Idirbhliain den scoth. Buíochas le múinteoir Amy a chuir clár taitneamhach agus tairbheach ar fáil. Comhghairdeas leis na scoláirí go léir.

Bhain dream Gaisce na hidirbhliana sár-taitneamh a

Bhain dream Gaisce na hidirbhliana sár-taitneamh as an sléibhteoireacht a rinne siad chun a ngradaim a chríochnú. Chuaigh siad ag sléibhteoireacht thar dhá lá trasna Shléibhte an Chomaraigh, ag fanacht thar oíche i Ráth Ó gCormaic. Réitigh siad a ndinnéar féin agus bhí an-chraic acu ar an iomlán sa tráthnóna i ndiadh a gcéad lá siúlóide. Chinntigh an treoraí, Michael, go raibh an siúil suimiúil ach dúshlánach agus shiúil siad 29km thar an dá lá. Comhghairdeas le gach scoláire a rinne an sléibhteoireacht agus a bhain an Gradam Gaisce amach! 🎉

Comhghairdeas le foireann sacair na mbuachaillí só

Comhghairdeas le foireann sacair na mbuachaillí sóisearacha a bhuaigh blitz i Ros Mhic Thriúin le déanaí. Is éacht iontach é seo don scoil agus táimid an-bhródúil asaibh. Bhí na buachaillí sinsearcha ag imirt i blitz chomh maith ach faraor, níor éirigh leo ar an lá. Beidh lá eile ag an bPaorach! Maith sibh uilig a ghlac páirt ann 👏

Comhghairdeas mór le foireann cispheile cailíní na

Comhghairdeas mór le foireann cispheile cailíní na dara bliana a chríochnaigh sa dara háit i gCorn Sóisearach na Mumhan i gCorcaigh an mhí seo caite. D’oibrigh na cailíní go han-chrua i rith na bliana agus léirigh siad díograis mhór don spórt agus don aclaíocht taobh amuigh den scoil freisin. Is éacht mór é seo don scoil mar níor éirigh linn an craobh a shroicint riamh roimhe seo. Táimid fíorbhródúil asaibh go léir a chailíní!

D'imir scoláirí Bl.6 cluiche cispheile iontach in

D'imir scoláirí Bl.6 cluiche cispheile iontach in aghaidh na múinteoirí an tseachtain seo. Bhailigh an scoil go léir le chéile chun féachaint ar an gcluiche mór. Bhí atmaisféar leictreach ann. Bhí an cluiche an-dian ón tús. Léirigh an dá fhoireann, luas, scil agus cumas den scoth ar an gcúirt. Chríochnaigh sé ar comhscór. Imríodh ceathrú breise agus d’éirigh leis na scoláirí an bua a fháil le scór 28–22. Thug an lucht féachana lán tacaíocht do na himreoirí i rith an chluiche. BL.6 2026 ABÚ!

Ba mhór do scoláirí sinsearacha an Ghaelcholáiste

Ba mhór do scoláirí sinsearacha an Ghaelcholáiste cúrsa Safe Pass aon lá amháin a dhéanamh mar chuid den Safe Pass for Schools Programme, curtha ar fáil ag an Construction Industry Federation. Bhain na scoláirí idir thaitneamh agus thairbhe as an gcúrsa. D'fhoghlaim siad go leor faoi chúrsaí sláinte agus sabháilteachta ar láithreáin tógála. Molann siad an cúrsa, iad níos muiníní agus níos feasaí ar chaighdeain sábhailteachta san ionad oibre tar éis dóibh an cúrsa a chríochnú.

Tá Ard-Fheis na nÓg 2026 faoi lán lán seoil i gCol

Tá Ard-Fheis na nÓg 2026 faoi lán lán seoil i gColáiste na Rinne. Tógann Ard-Fheis na nÓg déagóirí Gaeltachta agus daltaí Gaelcholáistí sa tsraith shinsearach ó fud fad na tíre le chéile i gceantar Gaeltachta éagsúil gach bliain. Bíonn meascán de chur i láthair, ceardlanna, cainteanna, imeachtaí eolais agus imeachtaí sóisialta ar siúl ag an Ard-Fheis. Tugann Ard-Fheis na nÓg deis do na rannpháirtithe ceisteanna, téamaí, deiseanna agus dúshláin ábhartha dóibh féin a phlé. Comhghairdeas leis an seisear ón Idirbhliain a labhair inniu faoin dochar a dhéanann intealacht shaorga do dhaltaí meánscoile.

An tseachtain seo chaite, d'eagraigh scoláirí blia

An tseachtain seo chaite, d'eagraigh scoláirí bliain 4 ceannairí don todhchaí lá cóitseála do bhliain 1 agus 2. Rinne siad cleachtadh ar scileanna peile mar shampla pas láimhe agus ciceáil. Bhí lá tairbheach ag cách!
@gaafutureleader

Bhí turas den scoth ag an Idirbhliain sa Róimh! Th

Bhí turas den scoth ag an Idirbhliain sa Róimh! Thug siad cuairt ar an gColasaem, Cathair na Vatacáine agus i bhfad níos mó. Shiúil siad timpeall na cathrach agus cinnte thuill siad a gcéimeanna 👣 Bhain gach duine sár-taitneamh as. 🇮🇹

Comhghairdeas lenár scoláirí as an tríú háit a bha

Comhghairdeas lenár scoláirí as an tríú háit a bhaint amach sa chomórtas náisiúnta tráth na gceist Feachtas inniu. Is iontach an gaisce é!

Mo cheol thú! Mo cheol sibh!

Mo cheol thú! Mo cheol sibh!

Ceol den scoth, oíche den scoth, tallann den scoth

Ceol den scoth, oíche den scoth, tallann den scoth!

Seó Tallainne 2026

Seó Tallainne 2026

Bhí Craobh Tráth na gCeist na mBunscoileanna ar si

Bhí Craobh Tráth na gCeist na mBunscoileanna ar siúil i GCPL an tseachtain seo. Tháinig scoláirí bunscoile chuig an scoil chun Gaeilge a labhairt agus ceisteanna a fhreagairt i rith Seachtain na Gaeilge. Tháinig Gaelscoil Philib Barúin sa chéad agus sa dara háit agus tháinig Gaelscoil Phort Láirge sa tríú háit. Comhghairdeas leo agus le chuile foireann a ghlac páirt sa chraobh agus sna réamhbhabhtaí!

Follow on Instagram

Gaelcholáiste Phort Láirge

Cúirt an Easpaig, Baile Gunnair, Port Láirge, X91 P984 051821742 eolas@gcpl.ie

Uimhir Charthanais Chláraithe/ Registered Charity Number: 20148577

Uimhir Rolla/ Roll Number: 68078U

Aimsigh ar Google Maps >>