Bhain 12 Scoláire ón Idirbhliain amach an Gradam Gaisce Cré-Umha i gcaitheamh na seachtaine. Mar pháirt den nGradam Gaisce bhí orthu 25 Ciliméadar a shiúl ar Shléibhte na Comaraigh thar tréimhse dhá lá. Grúpa iontach a bhí iontu a thug tacaíocht dá chéile ar na sléibhte i gcónaí chun an Gradam a bhaint amach. Bhí deacrachtaí acu maidir leis an teas ar an dara lá ach ar deireadh d’éirigh leo 36 Ciliméadar ar an iomlán a shiúl. Maith sibh agus ná bíodh leisce oraibh tabhairt fén nGradam Airgid amach anseo!!!

Comhghairdeachas ó chroí lenár gceoltóirí a ghlac páirt i gcomórtas Scléip inniu. Thugabhair taispéantas iontach agus táimid fíor-bhródúil asaibh! Beidh Cór na Scoile, Banna ceoil ó Bhl 2 agus Scoláire ón 6ú Bl ag dul ar aghaidh go Craobh na hÉireann. Mo cheol sibh!!!

Ghlac Fóirne Díospóireachta na Scoile páirt i nDíospóireachtaí Uí Chadhain le déanaí. Léirigh chuile scoláire bua na cainte agus scileanna díospóireachta iontacha. Bhí babhta díospóireachta den scoth ag ár bhfoireann sinsir sa chéad bhabhta agus cé go raibh mí-ádh ceart leo beidh Lá eile ag an bPaorach. Fuair siad ardmholadh ós na moltóirí agus bhí sé tuillte go maith acu. Rith an lá lenár bhfoireann sóisir ar an gcéad lá agus chuaigh siad ar aghaidh go dtí an chéad bhabhta eile a bhí ar siúl aréir. Cé nár éirigh leo ar an oíche bhíodar gob ar ghob leis na fóirne eile agus bhí mí-ádh leo ar an oíche. Níor ghlac aon bhall den fhoireann páirt i ndíospóireacht riamh roimhe seo ach cheapfá go raibh taithí na mblianta acu ar fad!! Bhí obair na gcapall déanta ag an dá fhoireann le tamall anuas agus tá ardmholadh tuillte acu. Táimid fíor-bhródúil astu anseo sa Ghaelcholáiste!!

Bhuail na Púcaí agus na Cailleacha isteach chugainn sa Ghaelcholáiste roimh a bhriseamar suas do Laethanta Saoire na Samhna!!!

Scoláirí na hIdirbhliana i gColásite Uisce!! Bainigí sásamh as!!

Bhailigh na daltaí ar fad ó Rang 6 sna Gaelscoileanna áitiúla le chéile sa scoil inné chun blaise beag den nGaelcholáiste a fháil. Bhí sé deas bualadh leo ar fad agus tá súil againn go gcasfar le chéile sinn arís go luath!!

Tháinig Gaelcholáiste na Mara, Coláiste Pobail Osraí, Gaelcholáiste Cheatharlach agus Gaelcholáiste Phort Láirge le chéile i gCeatharlach inniu chun aghaidh a thabhairt ar a chéile i gcluichí sacair, cispheile, ultimate frisbee agus roinnt cluichí eile.

Bhí lá álainn rothaíochta ag Scoláirí na hIdirbhliana ar Rian Ghlas na nDéise ar an Aoine.

Bhí lá iontach ag Scoláirí na hIdirbhliana i nGleann Áine inniu agus ní raibh an aimsir ró-olc ach an oiread. An rud is annamh is iontach!!