Comhghairdeas lenár scoláirí as an tríú háit a bhaint amach sa chomórtas náisiúnta tráth na gceist Feachtas inniu. Is iontach an gaisce é!

Ceol den scoth, oíche den scoth, tallann den scoth! Comhghairdeas le gach scoláire a ghlac páirt agus a bhuaigh duais ar an oíche.

Bailíodh breis agus €100 inniu don Children’s Health Foundation. Buíochas le gach scoláire a ghléas in éadaí glasa agus a dheonaigh airgead. Beannachtaí na Féile Pádraig oraibh go léir.

Bhí lá mór san ardchathair ag Bl.4 an tseachtain seo. Thug siad cuairt ar Pháirc an Chrócaigh agus Gaol Chill Mhaighneann. D’fhoghlaim siad go leor faoi na Cluichí Gaelacha, seachtar sínitheoirí an Fhorógra agus Cogadh na Saoirse.

Comhghairdeas le scoláire Bhl.2 a ghlac páirt i gCraobh Scléip Gael Linn le déanaí. D’éirigh thar barr leo ar fad. Beidh deis eile ceolteoirí agus banna ceoil Bhl.2 a fheiscint ar stáitse ag seó tallainne na scoile a bheidh ar siúl i Wama ar an Déardaoin, 19 Márta 2026, ag19:30. Bígí linn!

Féach ar bhanna ceoil GCPL ó 3 uair 32 nóiméad ar aghaidh.

Féach ar cheoltóirí GCPL ó 6 nóiméad 18 soicind ar aghaidh.

Go n-éirí an t-ádh le Baile Mhic Gunnair i gcluiche ceannais club na hÉireann ar an Domhnach ó phobal Ghaelcholáiste Phort Láirge.

Bhí scoláirí agus múinteoirí ar ais ar an oighear tráthnóna, ag baint súp agus spraoi as an scátáil. Is traidisiún seanbhunaithe sa scoil é an lá scátála seo, a chuireann gliondar ar gach duine.